Byltyrǵy jeltoqsanda «tutynýshylardyń seziný ındeksi» (+20) paıyzdy qurady - Statıstıka agenttigi
ASTANA. 12 qańtar. QazAqparat /Qanat Mámetqazyuly/ - Elimizde 2011 jylǵy jeltoqsanda «tutynýshylardyń seziný ındeksi» (+20) paıyzdy qurady.
Bul týraly Statıstıka agenttiginiń baspasóz qyzmetinen habarlandy.
«2011 jylǵy jeltoqsanda respondentterdiń 34 paıyzy sońǵy 12 aı ishinde elimizdegi ekonomıkalyq jaǵdaıdyń jaqsarǵanyn atap ótti, sonymen bir mezette respondentterdiń 14 paıyzy jaǵdaıdyń nasharlaǵanyn habarlady», - delingen baspasóz habarlamasynda.
Budan bólek, «Ekonomıkalyq ahýal ındeksi» 1 paıyzdyq tarmaqqa kemip, (+19) paıyzdy qurady. Respondentterdiń úshten birine jýyǵy (32 paıyz) aldaǵy 12 aıda eldegi jalpy ekonomıkalyq jaǵdaıdyń odan ári jaqsaratynyn kútedi, al 14 paıyzy jaǵdaıdyń nasharlaýy múmkin dep esepteıdi. «Satyp alý tileginiń ındeksi» ótken aımen salystyrǵanda ózgermedi, jáne (+20) paıyzdy qurady. Respondentterdiń úshten birinen astamy (34 paıyzy) 2011 jylǵy jeltoqsanda jeke úı sharýashylyǵyndaǵy qarjy jaǵdaıynyń jaqsarǵanyn jáne tıisinshe, ótken aımen salystyrǵanda uzaq paıdalanatyn taýarlarǵa suranystyń tómendegeni týraly habarlady. Sonymen birge, respondentterdiń 14 paıyzy óz úı sharýashylyǵyndaǵy qarjy-ekonomıkalyq jaǵdaıdyń nasharlaǵanyn atap ótti.
Sonymen qatar, respondentterdiń 9 paıyzy saýalnama barysynda elimizdegi jumyssyzdyq deńgeıine qatysty ahýal aldymyzdaǵy 12 aıdyń ishinde jaqsarady dese, sol kezdegi suralǵandardyń 2 paıyzy oǵan qarama-qarsy pikirdi ustanady. Aldymyzdaǵy 12 aıdyń ishinde úı sharýashylyǵyndaǵy aqshalaı qorlanym somasynyń ósý múmkindigin suralǵan tutynýshylardyń 15 paıyzy atap ótse, al 13 paıyzy onyń kemıtinin aıtqan.
