Byltyrǵy jeltoqsanda ortasha eńbekaqy 127 myń 402 teńgeni qurady
ASTANA. 11 aqpan. QazAqparat - Qazaqstanda 2012 jyldyń jeltoqsan aıynda bir eńbekkerdiń ortasha aılyq nomınaldy eńbekaqysy 127 myń 402 teńgeni qurady. Bul kórsetkish 2011 jyldyń jeltoqsan aıyndaǵy kórsetkishpen salystyrǵanda 6,9 paıyzǵa artty.
Statıstıka agenttiginiń málimetterine qaraǵanda, esepti kezeńde eńbekaqy mólsheri 0,9 paıyzǵa ósken. Al salalyq qurylymda eń joǵarǵy eńbekaqy qarjy jáne saqtandyrý qyzmetinde - 267,7 myń teńgeni quraǵan. Budan bólek, kásibı, ǵylymı jáne tehnıkalyq qyzmette - 264,6 myń teńge, al taý-ken ónerkásibi men ken oryndaryn ıgerý salasynda 247,5 myń teńgeni quraǵan. Eń tómengi jalaqy aýyl sharýashylyǵy, orman jáne balyq sharýashylyǵy - 55,7 myń teńgeni qurady. Aımaqtar boıynsha eń joǵarǵy eńbekaqy Mańǵystaý oblysynda - 232,7 myń teńgeni quraǵan.
