Byltyrǵy jazdaǵy jaǵdaı qaıtalanbaýy kerek – Prezıdent epıdemıologııalyq ahýal týraly
NUR-SULTAN. QazAqparat – Memleket basshysy elimizdegi epıdemıologııalyq ahýal jóninde keńeste densaýlyq saqtaý nysandarynyń sapasyn synǵa aldy, dep habarlaıdy QazAqparat tilshisi.
«Birneshe aıdyń ishinde jańa ınfektsııalyq aýrýhanalar salyndy, qajetti qural-jabdyq satyp alyndy, dári-dármek qory jasaqtaldy. Medıtsına qyzmetkerlerin de oqyttyq. Endi, osynyń bárin durys ári tıimdi paıdalaný kerek.
Byltyrǵy jazda bolǵan jaǵdaıdyń qaıtalanýyna jol berýge bolmaıdy. Densaýlyq saqtaý júıesiniń bir qalypty jumys isteýin qamtamasyz etý qajet. Ókinishke qaraı, osy máselede olqylyqtar bar. Meniń tapsyrmam boıynsha óńirdegi densaýlyq saqtaý nysandary tekserildi. Onyń nátıjesi kóńil kónshitpeıdi. Jańadan salynǵan modýldi juqpaly aýrýlar ortalyqtary ǵana standarttarǵa saı keledi», - dedi Prezıdent.
Aıta keteıik, Prezıdenttiń qatysýymen elimizdegi koronavırýs indetine baılanysty epıdemıologııalyq ahýal jóninde keńes ótip jatyr.
3
