Byltyrǵy ulttyq sanaqqa Qazaqstandaǵy 315 myńǵa tarta oralman engizilmeı qalǵan
STANA. Mamyrdyń 24-i. QazAqparat /Qanat Mámetqazyuly/ - Byltyrǵy ulttyq sanaqqa Qazaqstandaǵy 315 myńǵa tarta oralman engizilmeı qalǵan. Búgin QR Parlamenti Májilisinde «Memlekettik statıstıkany jetildirýdiń basty baǵyttary» atty taqyrypta ótken Úkimet saǵatynda QR Statıstıka agenttiginiń tóraǵasy Álıhan Smaıylov osylaı málim etti,
dep habarlaıdy QazAqparat.
«Aǵymdaǵy statıstıkany júrgizý boıynsha shetelden kelgen oralmandardy esepke alý tek olardyń Іshki ister mınıstrliginiń organdaryna, kóshi-qon polıtsııasymen tirkelgeninen keıin ǵana júrgiziledi. ıAǵnı, Qazaqstanǵa kelgen oralmandar turaqty orny bolǵan jaǵdaıda tirkeýden ótip, statıstıkalyq talonyn toltyrady. Al oralmandar turaqty orynǵa tirkelip, statıstıkalyq talondy toltyrmaıynsha, statıstıkalyq esepke alynbaıdy. Sondyqtan da, ulttyq sanaqty júrgizý barysynda buǵan uqsas máseleler oryn aldy. Shynynda da Qazaqstanǵa kelgen, oralman mártebesin ıelenýdiń ártúrli satysynda turǵan, turaqty orynǵa tirkelmegen shamamen alǵanda 315 myńǵa tarta oralman bar. Bul problema bizge belgili», dedi Á. Smaıylov.
