Byltyrǵy syrtqy saýda aınalymy 125199 mln. AQSh dollaryn qurady - Á. Smaıylov
ASTANA. 15 qańtar. QazAqparat - 2012 jylǵy qańtar-jeltoqsanda «Saýda» salasy boıynsha naqty kólem ındeksi 114,6%-dy qurdy. Bul týraly búgin QR Statıstıka agenttiginiń tóraǵasy Álıhan Smaıylov Qazaqstan Respýblıkasynyń 2012 jylǵy áleýmettik-ekonomıkalyq damýynyń qysqasha qorytyndylaryna arnalǵan brıfıngte málimdedi.
Onyń málimetinshe, «Baılanys» salasy boıynsha naqty kólem ındeksi atalmysh ýaqyt aralyǵynda 109,6%-dy quraǵan eken.
«2012 jylǵy qańtar-qarashada syrtqy saýda aınalymy 125199 mln. AQSh dollaryn qurap, 2011 jylǵy qańtar-qarashamen salystyrǵanda 10,9% ósti, onyń ishinde eksport - 84886,8 mln. AQSh dollaryn (6,3% ósti), ımport - 40312,2 mln. AQSh dollaryn qurady (21,9% ósti)», dep atap ótti Álıhan Smaıylov.
