Byltyrǵy sáıkes kezeńge qaraǵanda azyq-túlik taýarlarynyń baǵasy 7,7 paıyzǵa ósti
ASTANA. QazAqparat - 2014 jylǵy qazanda azyq-túlik taýarlarynyń baǵasy 2013 jylǵy qazanmen salystyrǵanda 7,7 paıyzǵa kóterildi.
«2014 jylǵy qazanda 2013 jylǵy tıisti aımen salystyrǵanda baǵa qantqa 15,4 paıyzǵa, unǵa - 14,4 paıyzǵa, sút ónimderine - 11,5, balyq jáne teńiz ónimderine - 9,7, kofe, shaı jáne kakaoǵa - 9,4, toqash jáne un ónimderine - 8,8, kondıterlik ónimderge, alkogoldi ishimdikterge - 8,7, makaron ónimderine - 7,8, jemister men kókónisterge - 7,5, sondaı-aq nanǵa - 6,4, maı jáne toń maıǵa 1,4 paıyzǵa ósti. Baǵanyń tómendeýi jarmalarǵa 2,9 paıyz kóleminde baıqaldy»,-delingen QR Ulttyq ekonomıka mınıstrligi Statıstıka komıtetiniń málimetinde.
Atalǵan kezeńde et jáne et ónimderi baǵasynyń ósimi 5,1 paıyzdy qurady. Qus etine baǵa deńgeıi 19,2 paıyzǵa, shujyq ónimderine - 11,3 paıyzǵa, jylqy etine - 2,2, qoı etine - 0,7, sıyr etine 0,2 paıyzǵa joǵary boldy.
