Byltyrǵy qarashada halyqtyń jan basyna shaqqandaǵy ortasha aqshalaı tabystary 51 myń 738 teńgeni qurady - Statıstıka
ASTANA. 14 qańtar. QazAqparat - 2012 jylǵy qarashada halyqtyń ortasha jan basyna shaqqandaǵy ataýly aqshalaı tabystary aldyn ala berilgen derekter boıynsha 51738 teńgeni qurady. Bul 2011 jylǵy tıisti kezeńmen salystyrǵanda 6,8 paıyzǵa artty. Naqty aqshalaı tabystar 1,1 paıyzǵa ósken. Bul týraly QR Statıstıka agenttiginen habarlandy.
Agenttik málimetterine qaraǵanda, 2012 jylǵy qarashada ortasha jan basyna shaqqandaǵy aqshalaı tabystardyń kólemi boıynsha áli de bolsa Atyraý oblysy, Almaty jáne Astana qalalary aldyńǵy qatarda, munda osy kórsetkish ortasha respýblıkalyq deńgeıden 2,3 -1,6 esege artyq. 2012 jylǵy qarashada tabystary eń tómen óńirler qatarynda Ońtústik Qazaqstan, Jambyl jáne Almaty oblystary belgilendi. Atalmysh óńirlerde halyqtyń tabys mólsheri respýblıkalyq deńgeıden 60,7 paıyzdan 81,8 paıyzǵa deıin qurady. Sonymen qatar, halyqtyń naqty aqshalaı tabystarynyń eń kóp ósý qarqyny Mańǵystaý jáne Aqtóbe oblystarynda belgilendi.
2012 jylǵy qarashada óńirler boıynsha ataýly aqshalaı tabystardyń eń joǵary jáne eń tómen mólsherleri arasyndaǵy araqatynas 3,7 eseni qurady (2011 jylǵy qarashada - 3,7 ese).
