Byltyrǵy qańtar-qarashada Qazaqstannyń Keden odaǵy elderimen saýdasy 18 mlrd. 85 mln. dollardy qurady

ASTANA. QazAqparat - 2014 jylǵy qańtar-qarashadaǵy Qazaqstan Respýblıkasynyń Keden odaǵy elderimen ózara saýdasy 18 mlrd. 084,9 mln. AQSh dollaryn qurady. Bul kórsetkish 2013 jylǵy qańtar-qarashamen salystyrǵanda 19,3 paıyzǵa az, sonyń ishinde eksport 4 922,3 mln. dollar (10,7 paıyzǵa kem), ımport 13 162,6 mln. dollardy (22,2 paıyzǵa az) qurap otyr.

QR Ulttyq ekonomıka mınıstrligi Statıstıka komıtetiniń habarlaýynsha, Qazaqstannyń eksport qurylymynyń kópshiligin mıneraldy ónimder (Keden odaǵy elderiniń barlyq eksportynyń kólemine 44,1 paıyz), metaldar jáne olardan jasalǵan buıymdar (27,6 paıyz), hımııalyq ónerkásip ónimderi (12,2 paıyz), mal jáne ósimdikter ónimderi, daıyn azyq-túlik taýarlary (5,3 paıyzdy) qurady.

«Al Reseı jáne Belarýs elinen kóbinese mashınalar jáne jabdyqtar (Keden odaǵy elderi ımportynyń jalpy kólemine 32,4 paıyz), mıneraldy ónimderi (14,2 paıyz), hımııalyq ónerkásip ónimderi (13,5 paıyz), metaldar jáne olardan jasalǵan buıymdar (13,2 paıyz), mal jáne ósimdikter ónimderi, daıyn azyq-túlik taýarlary (12,1 paıyz) ákelingen», - delingen baspasóz baıanynda.