Byltyrǵa qaraǵanda Qazaqstanda sýǵa ketken balalar sany artty
ASTANA. QazAqparat - Bıyl Qazaqstanda 149 bala sýǵa ketti. Bul týraly búgin Ortalyq kommýnıkatsııalar qyzmetindegi baspasóz máslıhatynda QR ІІM Tótenshe jaǵdaılar komıtetiniń resmı ókili Rýslan Imanqulov málim etti.
«Jyl basynan beri Qazaqstan aýmaǵynda 398 adam sýǵa batty, onyń 149-y - balalar. Al sýǵa shomylý maýsymynda 273 adam cýǵa ketse, sonyń 78-i balalar. Ótken jyldy tolyqtaı alsaq, 473 adam sý aıdyndarynda kóz jumsa, onyń 107-ci balalar boldy. Atap aıtqanda, byltyrmen salystyrǵanda balalarǵa qatysty qaıǵyly oqıǵalar sany artty»,-dedi R. Imanqulov.
Onyń sózine qaraǵanda, Tótenshe jaǵdaılar departamenti men jergilikti polıtsııa qyzmeti birlesip jumys atqarýdy bastaǵannan beri profılaktıkalyq sharalardy júrgizýde oń nátıjelerge qol jetkizildi. Máselen, mas kúıinde sýǵa shomylý sebebi boıynsha sýǵa batyp ketken adamdardyń sany 38 paıyzǵa azaıdy (2015 jyly - 125 adam, 2016 jyly - 78 adam).
«Bıylǵy 1 qyrkúıektegi jaǵdaı boıynsha Ońtústik Qazaqstan, Almaty, Jambyl, Qyzylorda oblystarynda sý aıdyndarynda adamdardyń kóz jumýy faktileri kóbirek tikeldi. ıAǵnı, naqty sandarǵa toqtalatyn bolsaq, OQO-da 67 adam sýǵa ketti, onyń ishinde 40-y balalar men jetkinshekter, Almaty oblysynda 44 adamnyń 15-i balalar, Jambyl oblysynda 36 adam, sondaı-aq Qyzylorda oblysynda 31 adam sýǵa batty»,-dedi resmı ókil.
Belgili bolǵandaı, jyl basynan beri qutqarýshylar 836 adamdy, onyń ishinde 173 bala men jetkinshekterdi qutqardy.
«Áli de jyly kúnder elimizdiń ońtústik, batys óńirlerinde boljanyp otyr. Sondyqtan da sý aıdyndarynda turǵyndardy qaýipsizdik qaǵıdalaryn saqtaýǵa shaqyramyz»,-dep túıindedi sózin ol.
