Byltyr jumyspen qamtylǵandardyń 8 paıyzy qolaısyz nemese qaýipti eńbek jaǵdaılarynda jumys istedi
ASTANA. 2 mamyr. QazAqparat - Halyqaralyq eńbek uıymynyń laıyqty eńbekti statıstıkalyq ólsheý baǵdarlamasy sheńberinde Qazaqstan Respýblıkasy Statıstıka agenttigi laıyqty eńbek kórsetkishterin jyl saıynǵy negizde qalyptastyrady.
Laıyqty eńbek baǵdarlamasy jumyspen qamtylý múmkindigi, jumys ornyndaǵy qaýipsizdik, áleýmettik qorǵaý jáne áleýmettik dıalog, erler men áıelder úshin jumyspen qamtylý múmkindikteriniń teńdigi sııaqty negizgi baǵyttarmen sıpattalady.
QR Statıstıka agenttiginiń málimetinshe, 2012 jyly Qazaqstan ekonomıkasynyń ár túrli salalarynda 8,5 mln. adam jumyspen qamtyldy nemese 15 jáne odan joǵary jastaǵy halyqtyń 67,9%. Jumyspen qamtylǵandardyń jartysynan kóbi (4,4 mln. adam) - erler, 48,6% (4,1 mln. adam) - áıelder. 2012 jyly jaldamaly qyzmetkerler sany 5,8 mln. adamdy nemese ekonomıkada jumyspen qamtylǵandardyń jalpy sanynyń 68,3% qurady. Jumyspen qamtylǵan halyqtyń arasynda óz betinshe jumyspen qamtylǵandar sany 2,7 mln. adamdy nemese 31,7% qurady.
Byltyr respondentterden alynǵan saýalnama boıynsha jumyspen qamtylǵan halyqtyń jalpy sanynan óz jumysynyń (kásibiniń) turaqtylyǵyna 62,9% senimdi (2011 jyly - 57,2%). Barlyq jaldamaly qyzmetkerler sanynan 90% jýyǵy zań júzinde bekitilgen áleýmettik kepildikterdi paıdalana alatyndaryn belgiledi.
Jaldamaly jumyspen qamtylǵandardyń jalpy sanynan respondentterdiń 49,2% kásipodaq múshesi bolyp tabylatyndaryn belgiledi, al 74% artyǵy ujymdyq eńbek sharttarymen qamtylǵan.
19,4% aptasyna 40 saǵattan astam ýaqyt jumys isteıtinderin kórsetken (2011 jyly - 12,3%), olardyń 59,7% - jumys berýshi qoıǵan talaptar sebebinen, 33,1% - kóp tabys tabý sebebinen.
2012 jyly jumyspen qamtylǵan halyqtyń ishinen 8% jýyq respondentter qolaısyz nemese qaýipti eńbek jaǵdaılarynda jumys isteıtindikterin belgilegen (2011 jyly - 10,3%), olardyń 11% - qaýipti mehanızmdermen jumys isteıdi, 11,4% - júıke júıesine aýyrtpalyqty sezinedi, 12,3% - qolaısyz temperatýralyq rejımde jumys isteıdi, 17,8% - dalada eńbek etedi, 30,9% - aýyr jumysta jumys isteıtinderin kórsetti.
2012 jyly jumys isteıtin áıelderdiń jalpy sanynyń 30%-ǵa jýyǵy (2011 jyly - 25%) otbasylyq mindetter men eńbek qyzmetin qosa atqarý kúrdeli ekenin atap ótken.
