Byltyr jer qoınaýyn zertteýge 7 mlrd teńge ınvestıtsııa tartylǵan - QR IDM
ASTANA. QazAqparat - 2015 jyly ınvestorlardyń esebinen jer qoınaýyn memlekettik geologııalyq zertteý sheńberindegi ınvestıtsııalar shamamen 7 mlrd teńge boldy. Búgin Astanada ótken alqa otyrysynda ınvestıtsııalar jáne damý mınıstri Áset Isekeshev osylaı málim etti, dep habarlaıdy QR IDM-niń baspasóz qyzmeti.
«2015 jyly ótkizilgen aýktsıonnyń qorytyndylary boıynsha jer qoınaýyn paıdalaný salasyndaǵy 38 jańa kelisimshart jasalady, 200-1000 jumys orny ashylady josparlanýda», delingen habarlamada.
Mınıstrdiń aıtýynsha, jalpy bastapqy quny 190 mln teńgeni quraıtyn 49 obektiniń 38 ken orny boıynsha saýda júrgizilgen. Solardyń qatarynda altyndy, ózge tústi jáne sırek metaldardy, sondaı-aq qulpyrma tastardy óndirý jónindegi obektiler bar. Aýktsıonǵa qatysýǵa barlyǵy 92 kompanııadan 106 ótinim kelip túsken. Shyǵarylǵan lottardyń 18 - paıdaly qazbalardy óndirýge, 31 - barlaýǵa arnalǵan. Jalpy túsken qarajat 1,4 mlrd teńge.
Budan basqa, ótken jyldyń qarasha aıynda «birinshi bolyp keldiń - birinshi bolyp aldyń» prıntsıpi boıynsha jer qoınaýyn paıdalaný quqyǵyn berý bastaldy. Tıisti rásimdi júrgizý úshin bastapqy joba retinde Stepnogor qalasynyń aımaǵy belgilendi.
Mınıstr sonymen qatar aǵymdaǵy jyly Qazaqstan Óndirýshi salalardyń ashyqtyǵy bastamasynyń standarttaryna sáıkestigin rastaıtynyn atap ótti. Bul bastama iske asyrý óndirýshi sektordaǵy kompanııalar men úkimet tabystarynyń ashyqtyǵyna baǵyttalǵan.
