Byltyr jer qoınaýyn paıdalanýǵa salynǵan ınvestıtsııa somasy 7,7 trln teńge boldy

ASTANA. QazAqparat - Energetıka vıtse-mınıstri Ashat Hasenov kómirsýtek salasyndaǵy jer qoınaýyna baǵyttalǵan ınvestıtsııalar týraly aıtty, dep habarlaıdy QazAqparat tilshisi.

«Búgingi tańda kómirsýtekter boıynsha 276 kelisimshart qamtylǵan. Onyń ishinde ónimdi bólý týraly kelisim – 9, barlaý jumystaryna qatysty – 137, al óndirý salasynda 130 shart bar», - dedi A. Hasenov Ortalyq kommýnıkatsııalar qyzmetindegi baspasóz máslıhatynda.

Onyń aıtýynsha, 2022 jyly jer qoınaýyn paıdalanýǵa salynǵan ınvestıtsııa somasy 7,7 trln teńgege jetti. Sonyń arasynda óndirýge 2,8 trln teńge, geologııalyq barlaýǵa 135,7 mlrd teńge eskerildi. Sonymen qatar qalǵan 4,7 trln teńge shyǵyndarǵa, óńirlerdiń áleýmettik-ekonomıkalyq damýyna, azamattardy oqytýǵa, ǵylymı-zertteý jáne tájirıbelik-konstrýktorlyq jumystarǵa tıesili.

«Osy oraıda byltyr geologııalyq barlaýǵa ınvestıtsııalar aǵynynyń oń serpini baıqaldy», - dedi vıtse-mınıstr.