Byltyr jeke sot sarapshylar 50 mln teńgeniń qyzmetin kórsetken

NUR-SULTAN. QazAqparat – Ádilet vıtse-mınıstri Azamat Ámirǵalıev vedomstvonyń keńeıtilgen alqa májilisinde sort saraptamalyq qyzmetti tsıfrlandyrý baǵytynda atqarylǵan jumystar týraly málimet berdi, dep habarlaıdy QazAqparat tilshisi.

Azamat Ámirǵalıevtiń aıtýynsha, Ádilet mınıstrligi memleket tarapynan kórsetiletin qyzmetterdi tsıfrlandyrýǵa barynsha atsalysyp otyr. Atap aıtsaq, vedomstvonyń aralasýymen jyljymaıtyn múliktiń biryńǵaı memlekettik kadastryn qurý, «Tsıfrlyq ıpoteka» pılottyq jobasy, elektrondy tehnıkalyq tólqujat berý, eGov Mobile mobıldi qosymshasynda neke qabilettiligi týraly elektrondy anyqtama berý qyzmetterin iske qosylǵan.

Sondaı-aq, ol el astanasynda Sot-saraptamalar ınstıtýty ǵımaratynyń qurylysy byltyr aıaqtalǵanyn eske saldy.

«Jeke sot sarapshylary jalpy kólemi 50 mln teńge bolatyn 6 myńnan astam saraptama ótkizdi. «E-saraptama» aqparattyq júıesi respýblıka boıynsha pılottyq rejımde iske qosyldy. Júıe «E-Qylmystyq is» jáne «Tórelik» aqparattyq júıelerimen ıntegratsııalandy», - dedi Azamat Ámirǵalıev.