Byltyr jalaqy eń tómen óńirlerge Shymkent, SQO jáne Túrkistan oblysy kirdi
Resmı statıstıka boıynsha, byltyr Qazaqstanda ortasha jalaqynyń mólsheri 250,3 myń teńge bolǵan.
Bul mejeden tek Atyraý (406,2 myń tg), Mańǵystaý (349,5 myń tg) oblystary men Nur-Sultan (344,7 myń tg), Almaty (296 myń tg) qalalarynyń statıstıkasy ǵana joǵary.
Atyraý oblysy - 406,2 myń tg
Mańǵystaý oblysy - 349,5 myń tg
Nur-Sultan - 344,7 myń tg
Almaty - 296 myń tg
Qazaqstan - 250,3 myń tg
Qaraǵandy oblysy - 240,6 myń tg
Batys Qazaqstan oblysy - 226,5 myń tg
Shyǵys Qazaqstan oblysy - 224,7 myń tg
Pavlodar oblysy - 220,3 myń tg
Aqtóbe oblysy - 217,6 myń tg
Qyzylorda oblysy - 212,8 myń tg
Almaty oblysy - 207,6 myń tg
Aqmola oblysy - 203 myń tg
Qostanaı oblysy - 201,9 myń tg
Jambyl oblysy - 195,9 myń tg
Túrkistan oblysy - 195,3 myń tg
Shymkent - 193,7 myń tg
Soltústik Qazaqstan oblysy - 187,5 myń tg.
Statıster jalaqy mólsheriniń qyzmet túrleri bólinisnidegi statıstıkasyn da usynyp otyr.
Ol málimet boıynsha, eń joǵary aılyq basshylar men memlekettik qyzmetshilerge tıesili bolǵan – 447,8 myń teńge.
Odan keıingi oryndar mynadaı retpen túzilgen:
- Kásibı mamandar –291,9 myń tg;
- Tehnık-mamandar jáne ózge de kómekshi kásibı qyzmetkerler – 217,9 myń tg;
- Ákimshilendirý salasyndaǵy qyzmetkerler – 195,5 myń tg;
- Qyzmet kórsetý jáne satý salasynyń qyzmetkerleri – 158,4 myń tg;
- Fermerler men aýyl jáne orman sharýashylyǵy, balyq ósirý jáne balyq sharýashylyǵy jumysshylary – 145,5 myń tg;
- Ónerkásip, qurylys, kólik jáne ózge de soǵan uqsas qyzmettegi jumysshylar –252,6 myń tg;
- Óndiristik jabdyq operatorlary, qurastyrýshylar jáne júrgizýshiler –263,1 myń tg;
- Biliktiligi joq jumysshylar – 107,8 myń tg;
Ózge toptarǵa kirmeıtin jumyskerler – 183,7 myń tg.
Aıta keteıik, Úkimet túrli saladaǵy 1,1 mıllıonnan astam jumysshynyń eńbekaqysy kóteriletinin málim etken bolatyn.
