Byltyr Ulttyq qordyń tabysy nege azaıyp ketti

ASTANA QazAqparat – Ulttyq bank tóraǵasy Ǵalymjan Pirmatov byltyr Ulttyq qordyń tabysy nege túsip ketkenin túsindirdi, dep habarlaıdy QazAqparat tilshisi.

«Ulttyq banktiń tabystylyǵyna kelsek, ony da ashyq aıtyp kelemiz. Byltyrǵy qorytyndyny aıtý úshin jyldyq sandardy naqtylaýǵa ýaqyt kerek. Ulttyq qordyń 2022 jylǵy tabystylyǵy -10,35 paıyz nemese 5,8 mlrd dollar boldy. Bul Ulttyq qor aqshasyn qundy qaǵazdarǵa salýǵa baılanysty. Esterińizde bolsa, byltyr aktsııalar naryǵy men boryshtyq qundy qaǵazdardyń, oblıgatsııalardyń naryǵy óte qubylmaly boldy. Negizgi iri qorlardyń bári shyǵyn shekti. Mysaly, Shveıtsarııanyń Ulttyq banki óziniń búkil 115 jyldyq tarıhynda eń úlken shyǵynǵa ushyrady – 132 mlrd Shveıtsarııa frankin joǵaltty nemese -16,3 paıyz tabystylyq kórsetti. Norvegııanyń ál-aýqat qory 1,6 trln kron nemese 64 mlrd dollardaı qarjydan aıyryldy», - dedi ol.

Aıtýynsha, Qazaqstannyń Ulttyq qory da osyǵan uqsas tabystylyq kórsetken.

«Bul kórsetkish Ulttyq qor portfelindegi qundy qaǵazdardyń asyra baǵalanǵanyna baılanysty. ıAǵnı, osy qundy qaǵazdardyń baǵasyn qalypqa keltirgen kezde Ulttyq qordyń tabystylyǵy da qalpyna keledi. Qańtardyń ózinde kórip otyrmyz, osy aıda Ulttyq qordyń tabystylyǵy +1,8 mlrd dollar boldy. ıAǵnı, biz ol qundy qaǵazdardy baǵasy túsip ketken kezde satqan joqpyz», - degen Ǵalymjan Pirmatov Ulttyq qordyń aılyq nemese jyldyq tabystylyǵyna qarap oı qorytýǵa bolmaıtynyn aıtty.

«Ulttyq qordyń tabystylyǵy uzaqmerzimdi kórsetkishterde ǵana aıqyn kórinedi. Sondyqtan sarapshylarǵa, BAQ ókilderine de qysqa merzimderdegi kórsetkishterdi negizge alyp, atyshýly málimdeme jasaýdan aýlaq bolýǵa shaqyramyn», - dedi Ulttyq bank basshysy.

Aıta keteıik, Ulttyq banktiń aqsha-kredıt saıasaty komıteti bazalyq mólsherlemeni 16,75% deńgeıinde qaldyrý jóninde sheshim qabyldady.