Byltyr Úkimettiń aýylsharýashylyǵy taýaryn óndirýshilerge bólgen qarajaty óte tıimdi jumys istedi - Ó. Shókeev
ASTANA. Maýsymnyń 21-i. QazAqparat /Ernur Aqanbaı/ - Byltyr Úkimettiń «QazAgro» jáne basqa da agronesıelik korporatsııalar arqyly aýylsharýashylyǵy taýaryn óndirýshilerge bólgen qarajaty óte tıimdi jumys istedi.
Bul týraly búgin Parlament palatalarynyń birlesken otyrysynda Premer-Mınıstrdiń birinshi orynbasary Ómirzaq Shókeev aıtty.
Onyń sózine qaraǵanda, byltyr aýylsharýashylyǵy taýaryn óndirishilerdi nesıeleıtin bankter bir sátte óz neıelerin qaıtaryp alǵandyqtan, aýylsharýashylyǵy taýaryn óndirýshiler qıyn jaǵdaıda qalǵan. Sondyqtan da Úkimet olarǵa qoldaý kórsetý úshin daǵdarysqa qarsy sharalar aıasynda 120 mlrd. teńge qarjy bólgen. Ol qarjynyń 40 mlrd. teńgesi 11 baǵyt boıynsha jańa ınvestıtsııalyq jobalardy qarjylandyrýǵa jumsalǵan, al qalǵan 80 mlrd. teńge egin egý jáne jıyn-terin naýqanyn nesıeleýge baǵyttalǵan. «Banktik nesıeleýdiń joqtyǵy jaǵdaıynda atalmysh qarjynyń arqasynda biz maýsymdy tabysty ótkere bildik. Aıtpaqshy, nesıe retinde berilgen aqsha 100 paıyz qaıtaryldy, bıyl biz qaıtarylǵan ol qarjyny jańa egin naýqanyn qajylandyrýǵa paıdalandyq», dedi birinshi Vıtse-Premer.
