Byltyr turǵyndardy tegin dárimen qamtýǵa 100 mlrd. teńgeden astam qarajat jumsaldy
ASTANA. 18 aqpan. QazAqparat - 2012 jyly turǵyndardyń tıisti toptaryn tegin dári-dármekpen qamtamasyz etýge 100 mlrd. teńgeden astam qarajat bólinse, onyń 37 mlrd. teńgesi ambýlatorlyq deńgeıde dárilik quraldarmen qamtamasyz etýge baǵyttaldy.
Bul týraly búgin densaýlyq saqtaý salasyn damytýǵa arnalǵan Parlament Májilisindegi Úkimet saǵatynda málim boldy.
Densaýlyq saqtaý mınıstrliginiń usynǵan málimeti boıynsha, Qazaqstan «V» jáne «S» vırýstyq gepatıtine shaldyqqan naýqastardy tegin dárimen qamtamasyz etip otyrǵan álemdegi sanaýly elderdiń qataryna kiredi. Budan bólek, buryndary 50 paıyzdyq jeńildikpen berilip kelgen dáriler 2012 jyldan bastap tegin berile bastaǵan. Dárigerlerdiń retsepti boıynsha tegin beriletin dáriler tizimine 48 nozologııa boıynsha 400-den astam dárilik preparattar kiredi. Olardyń ishinde 35 aýrý túri boıynsha qarjylandyrý jergilikti bıýdjet, 13 túri boıynsha respýblıkalyq bıýdjet qarajaty esebinen júzege asyrylady.
