Byltyr tótenshe jaǵdaılardan zardap shekkender men qaza tapqandar sany 2,5 paıyzǵa azaıdy - V. Bojko
ASTANA. 13 mamyr. QazAqparat - Byltyrǵy jyly elimizdegi tabıǵı sıpattaǵy tótenshe jaǵdaılardan zardap shekkender men qaza tapqandar sany 2,5 paıyzǵa azaıdy.
Bul týraly búgin QR Parlamenti Májilisindegi Úkimet saǵatynda Tótenshe jaǵdaılar mınıstri Vladımır Bojko málim etti.
Mınıstrdiń sózine qaraǵanda, byltyrǵy jyl men aǵymdaǵy jyldyń birinshi toqsany aralyǵynda elimizde tótenshe jaǵdaılar vedomstvosyna qarasty kúshterdiń jyldam den qoıýy arqasynda 9056 adam qutqarylyp, tótenshe jaǵdaılar aımaǵynan 9727 adam oqshaýlandyrylǵan. 5823 adamǵa medıtsınalyq járdem kórsetildi.
«Atqarylǵan jumystardyń nátıjesinde tabıǵı sıpattaǵy tótenshe jaǵdaılardan zardap shekkender men qaza tapqandar sany byltyr 2,5 paıyzǵa tómendedi. Tótenshe jaǵdaıdan bolǵan materıaldyq shyǵyn 3,5 esege, ıaǵnı 2011 jylǵy 22,5 mlrd. teńgeden 2012 jyly 6,3 mlrd teńgege azaıdy», deıdi V. Bojko.
Ony aıtýynsha, qys mezgilinde qutqarýshylar men jergilikti atqarýshy organdar birlesip respýblıka joldarynda 3937 adamdy qutqarǵan.
