Byltyr tabysy 50 myń teńgeden aspaıtyn halyqtyń úlesi 27,8% boldy – statıstıka
«Halyq tabystarynyń qurylymynyń eń úlken úlesin eńbek qyzmetinen túsetin tabystar – 76%, áleýmettik transfertterden túsetin tabystar – 12%, ózin-ózi jumyspen qamtýdan túsetin tabystar – 11% jáne basqa da aqshalaı tabystar – 1% quraıtynyn kórsetedi. Halyqtyń tabysy boıynsha derekter jan basyna shaqqanda qalyptastyrylatynyn túsindiremiz. ıAǵnı, úı sharýashylyǵynyń barlyq tabystarynyń somasy onyń barlyq múshelerine, sonyń ishinde balalarǵa, zeınetkerlerge, jumyssyzdarǵa jáne basqalarǵa bólinedi», - dep jazady Áset Erǵalıev.
Agenttik basshysy ózi ataǵan eki uǵymnyń arasyndaǵy aıyrmashylyqty naqty kórsetetin mysal keltirgen.
«Úı sharýashylyǵy 6 adamnan turady: kúıeýi – aıyna 210 myń teńge mólsherinde jalaqy; áıeli – bala kútimi boıynsha demalysta, bala kútimi boıynsha járdemaqy alady 30 myń teńge; 3 kámeletke tolmaǵan bala – asyraýynda; kúıeýiniń anasy (zeınetker) – zeınetaqy 67 500 teńge. Úı sharýashylyǵynyń jalpy tabysy: 210 myń+30 myń+67,5 myń teńge =307,5 myń teńge/6 adam=51 250 teńge. Osy mysalǵa súıene otyryp, osy úı sharýashylyǵynda aıyna jan basyna shaqqandaǵy tabys - orta eseppen 51 250 teńge. 2022 jyldyń qorytyndysy boıynsha Qazaqstan Respýblıkasy boıynsha halyqtyń jan basyna shaqqandaǵy ortasha nomınaldy aqshalaı tabysy aıyna 154 417 teńgeni qurady. Ótinishte (depýtattyq saýal – red.) keltirilgen aqparat «halyqtyń jartysynda aılyq tabysy 50 myń teńgeden aspaıdy». 2020 jyly úı sharýashylyqtarynyń bıýdjetterin iriktep tekserý qorytyndysy boıynsha (respondentterdiń sózimen) qalyptastyryldy. Ótken eki jylda jaǵdaı aıtarlyqtaı ózgerdi 2021 jyly halyqtyń 41,5% – 50 myń teńgeden az tabys tapsa, 2022 jyly ol 27,8%-dy kórsetti. 2020 jyldan 2022 jyl aralyǵynda halyqtyń jan basyna shaqqandaǵy ortasha tabysy nomınaldy mánde 33% jáne naqty mánde 7% ósti», - dep jazylǵan jaýapta.
