Byltyr tabıǵı monopolııalar sýbektilerinen aıyppul sanktsııalary túrinde 205 mln. teńge óndirip alyndy
ASTANA. 18 naýryz. QazAqparat - Qazaqstanda 2012 jyly tabıǵı monopolııalar sýbektilerinen aıyppul sanktsııalary túrinde 205 mln. teńge óndirip alyndy. Bul týraly búgin Májiliste QR Tabıǵı monopolııalardy retteý agenttiginiń tóraǵasy Murat Ospanovtyń qatysýymen ótken Úkimet saǵatynda málim boldy.
Agenttik málimetterine qaraǵanda, byltyr zańnamanyń saqtalýyn tekserý jáne tutynýshylar quqynyń buzylýyna jol bermeý aıasyndaǵy sharalar barysynda 471 tekserýler júzege asyp, zańnamanyń buzylýyn qalpyna keltirý týraly 744 jazba engizilgen. Sonymen qatar, ákimshilik quqyq buzýshylyqtar boıynsha 382 qaýly engizilip, 376 is sotta qaralǵan. Al Májilis aldynda baıandama jasaǵan Tabıǵı monopolııalardy retteý agenttiginiń tóraǵasy Murat Ospanov tutynýshylar quqyn qorǵaý baǵytyndaǵy atqarylǵan sharalarǵa toqtalyp ótti. Onyń aıtýynsha, búgingi tańda tarıf máselesi ózekti bolyp tabylady. Sondyqtan da, tutynýshylardyń qatysýymen tarıftegi ózgeristerge qatysty buqaralyq tyńdaýlar ótip, halyq aldynda tabıǵı monopolııalar sýbektileriniń jyldyq esebi ótýde. Budan bólek, tarıftik smetany kommertsııalyq qupııa retinde qarastyrýǵa tyıym salynǵan. «Tarıfter men baǵalarǵa saraptamalar jasaý úshin tutynýshylardy tarta otyryp, saraptama tobynyń otyrystary ótkizilýde» deıdi agenttik basshysy M. Ospanov.
