Byltyr sheteldik jumys kúshin zańsyz paıdalanýdyń 2,3 myń faktisi anyqtaldy

Bul týraly búgin Parlament Májilisinde «Elimizdegi quqyqtyq tártip jaǵdaıy jáne ishki ister organdary qyzmetiniń basym baǵyttary» taqyrybyndaǵy Úkimet saǵatynda málim boldy.

Depýtattar aldynda baıandama jasaǵan Іshki ister mınıstri Qalmuhanbet Qasymovtyń aıtýynsha, sońǵy ýaqytta elimizdiń barlyq óńirlerinde kóshi-qon ahýalyna baqylaý kúsheıtilgen. «Elimizdegi eńbek kóshi-qonyn retteý boıynsha naqty sharalar qabyldandy. Atap aıtqanda, endigi jerde jeke tulǵalarda jumys isteıtin sheteldik eńbek kóship-qonýshylary «zańdastyrylatyn» bolady. Sonymen qatar, olardyń barlyǵyna derbes eńbek patentteri beriledi. Sondaı-aq sheteldikterdiń eńbek kúshin zańsyz paıdalanýshy jumys berýshiler de qatań jaýapkershilikke tartylady. Jalpy, byltyrǵy 2013 jyly sheteldik eńbek kúshin zańsyz tartýdyń 2,3 myń faktisi anyqtaldy», - dedi mınıstr Q. Qasymov.