Byltyr sheteldik basylymdarda ǵylymı ataqtarǵa úmitkerlerdiń 162 maqalasy jarııalandy
ASTANA. QazAqparat - 2016 jyly fılosofııa doktorynyń dárejesi jáne ǵylymı ataqtar alýǵa úmitti jumystardy jarııalaýǵa bolatyn jýrnaldarǵa qoıylatyn talaptardy kúsheıtetin jáne qatań reglamentteıtin birqatar normatıvtik quqyqtyq qujattar qabyldandy, dep habarlaıdy QR BǴM baspasóz qyzmeti.
«Jyl saıyn qazaqstandyq ǵalymdar sheteldik jýrnaldarda júzdegen zertteý maqalalaryn jarııalaıdy. Basylymdardyń keıbireýleri aqsha úshin kez kelgen sapadaǵy maqalalardy tez jarııalaıdy. Maqala jarııalaıtyn ǵalymdardyń eshbiri jalǵan aqparattan saqtandyrylmaǵan», delingen habarlamada.
Maqalalardy kommertsııalyq maqsatta laıyqty retsenzııalaýsyz shyǵaratyn ǵylymı basylymdar men alaıaq saıttardyń bar ekendigi týraly QR BǴM Bilim jáne ǵylym salasyn baqylaý jónindegi komıtetine 2014 jyldan beri belgili. Qazaqstan 2011 jyldan bastap Thomson Reuter jáne Elsevier aqparattyq kompanııalarymen Ulttyq lıtsenzııa arqyly akademııalyq qaýymdastyqtyń Web of Knowledge jáne Scopus málimetter bazasyna tegin kire alady.
«Endi ǵylymı maqalalar Web of Science, Thomson Reuters aqparattyq bazasynda ımpakt-faktor bolǵan kezeńde nemese Scopus bazasynda ındeksteý kezeńinde basylymdarda jarııalanýy kerek jáne jýrnaldyń taqyryptyq baǵytyna sáıkes bolýy qajet. Osylaısha, biz doktorant nemese ǵylymı ataq izdenýshisi maqalasyn jarııalaýǵa tıis jýrnaldarda jarııalaýǵa shek qoıamyz», - dedi QR BǴM Bilim jáne ǵylym salasyn baqylaý komıteti tóraǵasynyń orynbasary Lázzat Bólebaeva.
Bilim jáne ǵylym salasyn baqylaý komıteti «Qazaqstandyq ǵylymı jýrnaldardy halyqaralyq aqparattyq resýrstarǵa engizý: problemalar men olardy sheshý joldary» dóńgelek ústelin, «Ǵylymı eńbekter etıkasy. Plagıat» dóńgelek ústelin, sonymen qatar, Almaty menedjment ýnıversıtetimen birlesip, sheteldik aqparat kompanııalarynyń ókilderiniń, amerıkalyq ǵalym jáne bıblıograf Djefrı Bılldiń qatysýymen «Akademııalyq adaldyq: retsenzııalanatyn basylymdarda qalaı jarııalaný kerek» halyqaralyq ǵylymı-praktıkalyq oqytý semınaryn uıymdastyrdy.
«Atalǵan sharalarǵa akademııalyq qaýymdastyq ókilderi, oqytýshylar, doktoranttar, kitaphanashylar shaqyryldy. Sońǵy semınarda qatysýshylardyń ár sanatymen jeke sheberlik synyptary ótkizildi. Komıtet osy baǵyttaǵy jumystardy jalǵastyrady, kezdesýler uıymdastyrady», - dedi Lázzat Bólebaeva.
Onyń aıtýynsha, kóptegen halyqaralyq ǵylymı basylymdardyń ishinen avtorlar jýrnaldy onyń óziniń bedeline qalaı áser etetini jaǵynan tańdaýy kerek. Avtorlar halyqaralyq sheteldik ǵylymı basylymdardyń ishinen olardyń ǵylymı baǵyttaryna saı, halyqaralyq dáıeksóz keltirý bazasynda turaqty ári aıtarlyqtaı reıtıngke ıe jýrnaldarǵa toqtalýy tıis. Jýrnaldyń bedeli avtordyń ǵylymı bedeline mindetti túrde yqpal etedi. Qyzyǵýshylyq bildirgen avtorlar maqalalary sheteldik áriptesterine qyzyqty basylymdarda óz eńbekterin jarııalaıdy, keıinnen sonda olardyń dáıeksózderi keltirilip, siltemeler jasalatyn bolady. Al bul ǵalymnyń reıtıngine, dáıeksóz keltirýdiń kórsetkishine nemese Hırsha ındeksine áser etedi.
Aıta keteıik, 2016 jyly sheteldik basylymdarda ǵylymı ataqtarǵa úmitkerlerdiń 162 zertteý maqalasy jarııalandy. Biraq tek 111 úmitker ǵana dotsent pen professor ǵylymı ataqtaryn aldy. 2015 jyly 64 úmitkerdiń tek 38-i ǵana ǵylymı ataqqa ıe boldy.
2016 jyly PhD úmitker 377 adam óz zertteýlerin sheteldik basylymdarda jarııalady, onyń ishinde 348-i ǵana, al 2015 jyly 451 úmitkerdiń 407-si PhD dárejesin aldy.
