Byltyr shetelderge jiberilýi tıis 99 naýqas otandyq klınıkalarda emdelip shyqty
ASTANA. 18 aqpan. QazAqparat - Byltyr shetelderge jiberilýi tıis 99 naýqas otandyq klınıkalarda emdelip shyqty. Bul týraly búgin densaýlyq saqtaý salasyn damytýǵa arnalǵan Parlament Májilisindegi Úkimet saǵatynda málim boldy.
Densaýlyq saqtaý mınıstrliginiń usynǵan málimeti boıynsha, otandyq medıtsınany damytý arqasynda buryndary shetelderge jiberilip kelgen aýrý túrlerin qysqartýǵa múmkindik bolǵan. Tıisinshe qazirgi zamanǵy tehnologııalardy engizý arqyly kóptegen kúrdeli otalar da ózimizde jasala bastaǵany buǵan aıǵaq. Máselen, 2012 jyly shetelderge emdelýge jiberilýi tıis bolǵan 99 naýqas otandyq klınıkalarda emdelip shyqty. Olardyń ishinde 50 búırek transplantatsııasy, 1 júrek transplantatsııasy, eresekterge 22 kemik maıy transplantatsııasy, balalarǵa 8 kemik maıy transplantatsııasy atqarylǵan. Sondaı-aq, sheteldik mamandardy shaqyra otyryp, 12 balaǵa Qazaqstanda kúrdeli ota jasalǵan.
Sonymen qatar, mınıstrlik málimetine qaraǵanda, búgingi tańda 161 naýqas shetelderge emdeýge jiberý kezeginde tursa, olardyń 133-i organdardy transplanttaýǵa muqtaj eken. «Osy oraıda erekshe atap óttin jaıt, naýqastardy organdar men tinderdi transplanttaýǵa jiberý qarjyǵa emes, qajetti donordyń tabylýyna baılanysty. Ondaı donordy izdeýge ádette 6 aıdan 2-3 jylǵa deıin ýaqyt ketedi», - deıdi mınıstr Salıdat Qaıyrbekova.
