Byltyr prezıdenttik test tapsyrýǵa 4 mıllıonnan astam adam qatysty

ASTANA. QazAqparat – 2022 jyly elimizde dene shynyqtyrý daıyndyǵynan prezıdenttik test tapsyrýǵa 4 mıllıonnan astam adam qatysty. Bul týraly QR Mádenıet jáne sport mınıstrligi baspasóz qyzmetinen málim boldy, dep habarlaıdy QazAqparat tilshisi.

Atap aıtqanda, 111 myńnan astam adam tıisti normatıvterden joǵary kórsetkishti oryndady. Olardyń jartysynan kóbi (57 myńy) aýyl turǵyndary. Ulttyq deńgeıdegi normatıvti 207 myń adam (112 myńy aýyl turǵyny) eńserdi. Bastapqy testten 470 myń adam ótti (210 myńy aýyl turǵyny).

Test aıasynda júgirý, sekirý, kermege tartylý jáne basqa da jattyǵýlar kiredi.

«Prezıdenttik test - bul daıyndyǵyńyzdy tekserýdiń jaqsy múmkindigi jáne ony jaqsartýǵa qosymsha yntalandyrady. Bul turǵyda barynsha kóp adamdy qamtýdy maqsat etip otyrmyz», - dedi QR MSM Sport jáne dene shynyqtyrý isteri komıtetiniń tóraǵasy Erbol Myrzabosynov.