Byltyr otbasynda jábir kórgen 27 myń áıel senim telefony arqyly kómek suraǵan

ASTANA. QazAqparat – Ótken jyly zorlyq-zombylyqtan qorǵaý ınspektorlary senim telefony arqyly 27 myńnan astam áıelge keńes berdi. Bul týraly Іshki ister mınıstrliginiń onlaın-brıfınginde vedomstvo ókili Shuǵyla Turlybek málim etti, dep habarlaıdy QazAqparat tilshisi.

«Ótken jyly áıelderdi zorlyq-zombylyqtan qorǵaý bólimsheleriniń ınspektorlary senim telefony arqyly 27 myńnan astam áıelge keńes berdi. Ómirlik qıyn jaǵdaıǵa tap bolǵan 9 myńnan astam zardap shekken adam daǵdarys ortalyqtaryna júgindi. Daǵdarys ortalyqtarynyń senim telefonyna 5 myńǵa jýyq qońyraý tústi. Áıelderdi zorlyq-zombylyqtan qorǵaý bólimshesiniń ınspektorlary 3 myńnan astam adamdy ýaqytsha baspanaǵa ornalastyrdy», - dedi Shuǵyla Turlybek.

Sondaı-aq, 5,5 myńnan astam áıel polıtsııaǵa aryz túsirip, sonyń negizinde 22 adam qylmystyq, 4 731 agressor ákimshilik jaýapkershilikke tartylǵan.