Byltyr órt sóndirý úshin 15720 shyǵý jasalyp, kórsetkish 11 paıyzǵa artty - TJM
ASTANA. 19 maýsym. QazAqparat - Byltyr órt sóndirý úshin 15720 shyǵý jasalyp, kórsetkish 11 paıyzǵa artty. Bul týraly búgin Májiliste «Azamattyq qorǵaý týraly» zań jobasyn talqylaý barysynda málim boldy.
Tótenshe jaǵdaılar mınıstri Vladımır Bojkonyń aıtýyna qaraǵanda, zań jobasynda órtterdi sóndirýdi uıymdastyrý máseleleri boıynsha ortalyq jáne jergilikti atqarýshy organdardyń jaýapkershilik aımaǵynyń arajigi ajyratylady. Mınıstrdiń sózine qaraǵanda, órtke qarsy qorǵaýdy Tótenshe jaǵdaılar mınıstrliginiń 411 órt sóndirý bólimsheleri júzege asyrady. «Respýblıka boıynsha bir táýlikte ortasha 50-ge tarta órt bolady, órt sóndirýshiler dabyl boıynsha 150-den astam shyǵýlar jasaıdy. 2012 jyly respýblıkanyń órtke qarsy bólimsheleri órtterdi sóndirý úshin 15720 shyǵýdy júzege asyrdy. Bul 2011 jylmen salystyrǵanda 11 paıyzǵa kóp. Avarııalyq qutqarý jumystaryn júrgizýge 4500 shyqqan bolatyn. Jalǵan shaqyrýlar 91 ret tússe, bul byltyrǵy kórsetkishpen 65 paıyzǵa kem», - deıdi V. Bojko.
