Byltyr orman órtteriniń 701 oqıǵasy tirkeldi - Erlan Nysanbaev
NUR-SULTAN. QazAqparat – 2020 jyly Qazaqstanda orman órtteriniń 701 jaǵdaıy tirkeldi. Bul týraly Ekologııa, geologııa jáne tabıǵı resýrstar mınıstrliginiń alqa májilisinde osy vedomstvonyń vıtse-mınıstri Erlan Nysanbaev málim etti, dep habarlaıdy QazAqparat tilshisi.
Qazaqstanda 2019 jylmen salystyrǵanda ormanmen qamtylǵan alqap 188 myń gektarǵa ulǵaıǵanymen, ormandy jerlerdi molyqtyrýdyń josparly kórsetkishi oryndalmady. Josparlanǵan 54,4 myń gektardyń is júzinde oryndalǵany aýmaǵy 51,3 myń gektar. Memleket basshysynyń orman qorynda 5 jyl ishinde 2 mlrd aǵash otyrǵyzý jónindegi tapsyrmasyn oryndaý aıasynda oblys ákimdikterimen birlesip óńirler boıynsha Ormandardy molyqtyrý men orman ósirý jónindegi keshendi josparlar ázirlenip, bekitildi», - dedi Nysanbaev.
Onyń aıtýynsha, aǵash otyrǵyzýdyń eń kóp kólemi Túrkistan, Qyzylorda jáne Jambyl oblystarynda, sondaı-aq Semeı men Ertis ormany orman rezervattarynyń aýmaǵynda qol jetkiziledi. Atqarylǵan is-sharalar 2030 jylǵa qaraı eldiń ormandylyǵyn 5 paıyzǵa jetkizý múmkindik beredi.
«Memlekettik orman qory aýmaǵynda 41,8 myń gektardy qamtyǵan orman órtteriniń 701 oqıǵasy tirkeldi. Orman órtteriniń aýqymdy alqaptary Jambyl, Shyǵys Qazaqstan, Batys Qazaqstan, Pavlodar jáne Túrkistan oblystarynda, sondaı-aq «Semeı ormany» rezervatynyń aýmaǵynda tirkelgen. Jalpy respýblıka boıynsha budan kelgen zalal - 2,1 mlrd teńge», - dedi Nysanbaev.
