Byltyr munaı jáne gaz kondensatyn óndirý 79,2 mln. tonnany qurady
Taratylǵan málimetterge qaraǵanda, 2012 jyldyń qorytyndysy boıynsha otandyq 3 munaı óńdeý zaýyttarynda shıki munaı óndirý kólemi 14,2 mln. tonnany nemese ótken jylǵa qaraǵanda 103,6 % qurady. Úsh MÓZ-de óńdelgen munaıdan:
- 2853,8 myń tonna (103,5 %) - benzın;
- 4128,9 myń tonna (101,6 %) - dızel otyny;
- 3573,3 myń tonna (97,6 %) - mazýt;
- 421,1 myń tonna (108,8 %) - avıakerosın óndirildi.
Áleýmettik baǵdarlamalardy oryndaý sheńberinde aýyl sharýashylyq taýarlaryn óndirýshiler úshin arzandatylǵan dızel otynyn jetkizýdi qamtamasyz etti, sóıtip, kóktemgi dala jumystaryn júrgizýge tonnasyna baǵasy 86700 teńge (lıtrine 72,0 teńge) 360,0 myń tonna dızel otyny bólingen, al kúzgi dala jumystaryn júrgizýge tonnasyna baǵasy 85365 teńge (lıtrine 70,0 teńge) 410,0 myń tonna dızel otyny qamtamasyz etildi.
Osylaısha, 2012 jylǵy dala jumystaryn júrgizý úshin AShTÓ-ge arzandatylǵan 770,0 myń tonna dızel otyny bólindi, bul rette dızel otynynyń 1 lıtrine degen baǵam bólshek saýdadaǵy baǵamdardan 20 paıyzǵa tómen boldy.
2012-2013 jyldary jylý berý maýsymynda Mınıstrlik oblystarǵa tonnasyna 32670 teńgeden aspaıtyndaı baǵamen (naryqtyq baǵamy tonnasyna 64500-69750 teńge bolǵanda) 463,5 myń tonna mazýt bóldi.