Byltyr memleket menshigine 1,1 mln. gektar aýyl sharýashylyǵy jerleri qaıtarylǵan

Búgin QR Parlamenti Májilisinde ótken Úkimet saǵatynda Jer resýrstaryn basqarý agenttiginiń tóraǵasy Ómirzaq Ózbekov osylaı málim etti.

«2010 jyly Jer resýrstaryn basqarý agenttiginiń óńiraralyq jer ınspektorlary paıdalanylmaı jatqan jalpy aýmaǵy 3 mln. gektar bolatyn 17 myń jer ýchaskelerin anyqtaǵan bolatyn. Osyǵan baılanysty 4,9 myń jer ýchaskeleri, ıaǵnı 1,6 mln. gektar arnaıy esepke alynyp, aýyl sharýashylyǵy maqsaty úshin jeri paıdalanylmaı otyrǵan sýbektilerge 17 mln. teńge shamasynda aıyppul salyndy. Sot organdaryna 33,5 myń gektar jerdi memleketke qaıtaryp alý týraly 51 talap-aryz berildi», - dedi Ó. Ózbekov.

Agenttik tóraǵasynyń aıtýynsha, tekserý nátıjeleri boıynsha byltyrǵy jyly memleket menshigine 1,1 mln. gektar aýyl sharýashylyǵy jerleri qaıtaryldy. Al 2009 jyly bundaı qaıtarylǵan jerler kórsetkishi 505 myń gektardy quraǵan edi.

«Jalpy jer ınspektsııalary ótken jyly 6 myń 342 tekseris júrgizip, jer zańnamalarynyń buzylýyna oraı 428 mln. teńgeniń aıyppulyn saldy», -dedi Ó. Ózbekov.