Byltyr mashına jasaý salasyndaǵy óndirilgen ónim 499,3 mlrd. teńgeni qurady
Bul týraly Indýstrııa jáne saýda mınıstrliginiń byltyrǵy jyl qorytyndysy boıynsha usynylǵan aqparattyq toptamasynda kórsetilgen.
Onyń ishinde elektrondy jáne optıkalyq kompıýterler ónimderin shyǵarý salasynda 22,9 mlrd. teńgeniń, elektr quraldary salasyndaǵy ónim 61,5 mlrd. teńgeni, basqa sanattarǵa engizilmegen mashınalar men qondyrǵylar salasynda 78,1 mlrd. teńgeniń ónimderi óndirildi.
Sonymen qatar, 2011 jyldyń 12 aıynda mashına jasaý salasyndaǵy eńbek ónimdiligi onyń aldyndaǵy 2010 jylmen salystyrǵanda 127,2 paıyzǵa artyp, adam basyna shaqqanda 17,8 myń dollardy quraǵan. Al Qazaqstannyń 2010-2014 jyldar aralyǵyndaǵy Indýstrııalandyrý kartasy boıynsha 2011 jyly 55 mlrd. 301 mln. somasynyń 29 jobasy júzege asty.
Keden odaǵy aýmaǵynda da osy salaǵa basa nazar aýdarylýda. Máselen, búgingi kúni Qazaqstan men Belarýs Respýblıkasy arasynda mashına jasaý ónimderin, onyń ishinde kombaındar, traktor men jedelsaty túrlerin shyǵaratyn 12 birlesken kásiporyn qurylǵan.
