Byltyr mańǵystaýlyq tutynýshylardyń 17 mln teńgege jýyq aqshasy qaıtaryldy
AQTAÝ. QazAqparat – Ótken jyly mańǵystaýlyq tutynýshylardyń 17 mln teńgege jýyq aqshasy qaıtarylǵan, dep habarlaıdy QazAqparat tilshisi.
«Tutynýshylardan 2022 jyly 796 ótinish tústi. Onyń 306-sy qanaǵattandyrylyp, turǵyndarǵa 16 685 997 teńge qaıtaryldy. Al 2021 jyly túsken ótinishter negizinde 4 322 244 teńge qaıtarylǵan bolatyn. Bul bir jyldyń ishinde tutynýshylardyń óz quqyǵyn qorǵaý boıynsha saýattylyqtary artyp kele jatqanyn bildiredi», deıdi Mańǵystaý oblystyq tutynýshylardyń quqyqtaryn qorǵaý departamentiniń basshysy Raýan Muhaev.
Sondaı-aq ótken jyly 8 iri jáne orta kásipkerlik sýbektilerine qatysty 8 tekserý júrgizilgen.
Sonymen qatar tutynýshylardyń quqyqtaryn buzýdyń negizgi sebepteri anyqtalǵan:
- tutynýshy retindegi óz quqyqtary týraly halyqtyń quqyqtyq saýattylyǵynyń tómendigi;
- kásipkerlik sýbektileriniń «Tutynýshylardyń quqyqtaryn qorǵaý týraly» Zańdy bilmeýi jáne saqtamaýy;
- shaǵyn jáne mıkrokásipkerlik sýbektilerine tekserý júrgizýge moratorıı.
Aıta keteıik, Mańǵystaý oblysy boıynsha turǵyndardyń tutynýshylyq quqyqtary buzylǵan jaǵdaıda Aqtaý qalasy 9-shaǵynaýdan 23 «A» ǵımaraty, 215-kabınette ornalasqan Mańǵystaý oblysy Tutynýshylardyń quqyqtaryn qorǵaý departamentine nemese 8(7292) 43-14-34 baılanys telefondaryna habarlasýlaryna bolady.
