Byltyr mamandandyrylǵan aýdanaralyq ekonomıkalyq sottarǵa túsken azamattyq isterdiń sany 23,6%-ǵa artqan
ASTANA. QazAqparat - 2014 jyly mamandandyrylǵan aýdanaralyq ekonomıkalyq sottarǵa túsken azamattyq isterdiń sany 23,6%-ǵa artty. Budan sot ádildigin júzege asyrýǵa el azamattarynyń senimdiligi arta túskenin baıqaýǵa bolady.
Naqty derekterge júginsek, ótken jyly respýblıkanyń mamandandyrylǵan ekonomıkalyq sottaryna 159 951 is pen aryz kelip tústi. Bul kórsetkish 2013 jylǵa (129 378) qaraǵanda 30 573 iske artqandyǵyn kórsetedi.
Sonyń ishinde, 138 373 azamattyq is óndirispen aıaqtalǵan. Al endi sheshim shyǵarýmen qaralǵan ister - 119 877 nemese bul jalpy aıaqtalǵan isterdiń 86,6%-yn quraıdy degen sóz.
