Byltyr qurylystaǵy baǵa 3,3 paıyzǵa ósti - QR Statıstıka agenttigi
ASTANA. 10 qańtar. QazAqparat - Byltyr qurylystaǵy baǵa 3,3 paıyzǵa ósti. Ótken jyly baǵa qurylys-montaj jumystaryna 3,5 paıyzǵa, mashınalar men jabdyqtarǵa - 1,3 paıyzǵa, ózge de jumystar men shyǵyndarǵa 4 paıyzǵa ósti. Bul týraly QR Statıstıka agenttigi habarlady.
Bul salada elektr jabdyqtaryn satyp alý baǵasy bir jyl ishinde 10,4 paıyzǵa, qumnyń - 5,1 paıyzǵa, lamınattyń - 3 paıyzǵa, gıps qatyrmasynyń - 2,9 paıyz deńgeıinde, maltatastyń - 2,8 paıyzǵa, qıyrshyqtastyń - 1,6 paıyzǵa, sondaı-aq aǵash materıaldarynyń - 1,3 paıyzǵa ósýi baıqaldy. Budan bólek, jınalmaly qurylys metall konstrýktsııalarynyń baǵasy 3,3 paıyzǵa, kirpish 1,1 paıyzǵa tómendedi.
