Byltyr qurylys salasyndaǵy úleskerler máselesin sheshý 50 paıyzǵa ǵana oryndaldy

Búgin Májiliste  «Qazaqstan Respýblıkasy Qurylys jáne turǵyn úı-kommýnaldyq sharýashylyq isteri agenttiginiń 2011 jylǵy qyzmetiniń qorytyndylary jáne 2012 jylǵa arnalǵan mindetteri» degen taqyrypta ótken Úkimet saǵatynda Ekonomıkalyq reforma jáne óńirlik damý komıtetiniń tóraǵasy Seıitsultan Áıimbetov osylaı málim etti.

Depýtattyń aıtýynsha, qazirgi tańda qurylys salasynyń negizgi kórsetkishteri  jyl saıyn ósip kele jatyr. Alaıda úlestik qurylys naryǵyndaǵy qazirgi jaǵdaıǵa baılanysty problemalar sheshilmegen kúıinde qalyp otyr. 

«Máselen, 2011 jyly  respýblıka boıynsha 13 myń 600 úleskeri bar 58 nysandy  iske qosý josparlanǵan bolatyn. Al is júzinde  8 myń 600 úleskeri bar 29 nysan ǵana paıdalanýǵa berildi. ıAǵnı ótken jylǵy jospar 50 paıyzǵa ǵana oryndaldy», - deıdi depýtat S. Áıimbetov. Sonymen qatar, depýtat Prezıdenttiń  bıylǵy Joldaýynda jalǵa beriletin turǵyn úı alańyn jylyna 1 mln. sharshy metrge deıin jetkizýdi tapsyrǵanyn eske sala kele, bul oraıda azamattarda  jalǵa berilgen úıdi keıinnen satyp alýǵa nemese  uzaq merzimdi jalǵa alýǵa múmkinshilikteri bolýy tıistigine nazar aýdardy. «Elbasynyń alǵa qoıǵan  mindetterin iske asyrý maqsatynda ústimizdegi jyly jáne  aldaǵy jyldary   turǵyn úıge muqtaj adamdar úshin jalǵa beriletin turǵyn úı qurylysyn qarjyldandyrý kólemin múmkindiginshe 2-2,5 esege  arttyrý qajet dep  esepteımiz», - dedi ol.