Byltyr qurylys baǵalary 4,5 paıyzǵa ósken - Statıstıka agenttigi
ASTANA. Qańtardyń 11-i. QazAqparat /Qanat Mámetqazyuly/ - 2009 jyly elimizdiń qurylys salasyndaǵy baǵalar 4,5 paıyzǵa ósken,
dep habarlaıdy QazAqparat QR Statıstıka agenttiginiń baspasóz qyzmetine silteme jasap.
Agenttik málimetteri boınysha, 2009 jylǵy jeltoqsanda ótken jylǵy jeltoqsanmen salystyrǵanda baǵalar qurylys-montaj jumystaryna 4,4 paıyzǵa, mashınalar men jabdyqtarǵa - 4,2 paıyzǵa, ózge de jumystar men shyǵyndarǵa - 5,2 paıyzǵa ósken. Degenmen de, byltyrǵy jyl ishinde qurylys uıymdary satyp alǵan materıaldar, bólshekter jáne konstrýktsııalar 0,7 paıyzǵa arzandady. Ák 6,1 paıyz, portlandtsement - 4,5 paıyz, shoıynnan jasalǵan qubyrlar - 2,6 paıyz, bolattan jasalǵan shybyqtar, buryshtar men pishinder - 2,2 paıyz, qum - 1,7 paıyz, symdar men kabelder - 1,6 paıyz, taýarlyq beton - 1,1 paıyz, qurylystyq aǵash konstrýktsııalar - 1 paıyz, qalyptastyrylǵan tabaqty shyny - 0,5 paıyz arzandaǵan.
Al zertastyq qysh taqtaıshalar 3,6 paıyzǵa, mıneraldyq maqtadan jasalǵan taqtalar - 3,2 paıyzǵa, munaı bıtýmy - 1,9 paıyz, qysh kirpishi - 1 paıyz, boıaýlar - 0,5 paıyzǵa qymbattady.
