Byltyr quqyq qorǵaý organdary reıderlikke qatysy bar 19 qylmystyq isti tergedi
Bas prokýratýranyń málimetinshge, bul kórsetkish 2021 jyly 11 bolǵan. Tergeý nátıjeleri boıynsha sotqa 2 is jiberildi.
Elde osy sanattaǵy qylmystarǵa qarsy is-qımyl jónindegi zańnamany jetildirý boıynsha sharalar josparly túrde qabyldanyp jatyr
2011 jyldyń qańtarynda reıderlik úshin qylmystyq jaýapkershilik alǵash ret engizildi (bıznesti jáne múlikti zańsyz basyp alýǵa qarsy is-qımyl týraly zańmen).
2021 jyldyń shildesinde Qylmystyq kodekstiń 249-baby osy qylmysty jasaýdyń jańa tásilderimen tolyqtyryldy. Osy bap boıynsha jaýapkershilik kúsheıtildi. Quramy aýyr qylmystar sanatyna jatady. Quqyq qorǵaý, baqylaý jáne ózge de organdardyń resýrstary men ókilettikterin paıdalana otyryp ne sot tártibimen basyp alý oryn alǵan kezde «syrtqy, kúshtik» reıderliktiń jańa quramy engizildi.
Bul derekter Bas prokýratýrada ótken reıderlikke qarsy is-qımyl jáne kásipkerlik qyzmetke kedergi jasaý máseleleri talqylanǵan jıynda aıtyldy.