Byltyr Qoja Ahmet ıAsaýı kesenesine 1,5 mln adam kelgen

TÚRKІSTAN. QazAqparat -2019 jyly Túrkistan qalasyndaǵy Qoja Ahmet ıAsaýı kesenesine 1,5 mıllıon adam kelgen. Osy kórsetkishti 2025 jyly 5 mln-ǵa jetkizý josparlanyp otyr. Túrkistan oblysy ákiminiń orynbasary Meıirjan Myrzalıev Óńirlik kommýnıkatsııalar qyzmetinde ótken jıynda osylaı málim etti.

Meıirjan Myrzalıevtiń aıtýynsha, óńirdiń týrızm salasynyń negizgi ındıkatorlary aldyńǵy jyldarmen salystyrǵanda ósip keledi.

«2019 jyldyń 11 aıynda ornalastyrý jáne tamaqtaný oryndaryna tartylǵan ınvestıtsııa kólemi 13 mlrd teńgege jetip, respýblıkada úzdik úshtikke kirip otyrmyz. Túrkistan-Otyrar baǵytynda tarıhı-mádenı, Saryaǵash kýrorty aýmaǵynda emdik-saýyqtyrý, Túlkibas, Tóle bı aýdandarynda ekologııalyq týrızm túrleri qarqyndy damyp keledi», – dedi oblys ákiminiń orynbasary.

Jalpy oblysta 168 qonaq úı, 51 shıpajaı, 60 demalys bazasy qyzmet kórsetedi. Ekologııalyq, tarıhı-tanymdyq týrızm baǵytynda 57 týrıst marshrýty ázirlengen. Bıyl 20 ornalastyrý oryndaryn ashý josparlanýda. Olardyń qatarynda 8 qonaq úı jańadan iske qosylsa, 7 qonaq úı qaıta jóndeýden ótkiziledi. 5 emdik-saýyqtyrý orny ashylady. Sondaı-aq, Túrkistan qalasynda ornalastyrý oryndaryn halyqaralyq talaptarǵa sáıkestendirý úshin qonaq úıler kúrdeli jóndeýde ótkizilýde.

Qazirgi tańda, Túrkistan qalasynda týrısterge tolyq aqparat usynatyn «Vızıt ortalyqtyń», «Uly Jibek jolynyń ulttyq dástúrli qolóner ortalyǵynyń», halyqaralyq áýejaıdyń, «ıAsaýı murajaıynyń» jáne t.b. nysandardyń qurylysy júrgizilýde.