Byltyr kólikti basqarý quqyǵynan 48 myńnan astam júrgizýshi aıyryldy
ASTANA. QazAqparat - Ótken jyly ákimshilik qamaýǵa 8 myń júrgizýshisi alyndy. Bul týraly búgin Astanada Ortalyq kommýnıkatsııalar qyzmetindegi «Ákimshilik quqyq buzýshylyq týraly kodekstiń jańa redaktsııasynyń negizgi qaǵıdalary týraly» atty brıfıngte QR ІІM Ákimshilik polıtsııa komıtetiniń tóraǵasy Igor Lepeha málim etti.
«Jol júrý erejesin óreskel buzǵany úshin kólikti basqarý quqyǵynan 48 myńnan astam aıyryldy. Sonymen birge ákimshilik qamaýǵa 8 myń 600 júrgizýshi alyndy», - dedi komıtet basshysy.
Belgili bolǵandaı, byltyr jol qozǵalysy erejesi salasynda tirkelgen ákimshilik quqyq buzýshylyq 2 mln. 321 myńǵa jetti. Bul baǵytta ósim 24 paıyzdy qurady. Salynǵan aıyppuldardyń jalpy somasy 26 mlrd. 42 mln. teńgeni qamtydy. Onyń ishinde jol erejesin buzǵany úshin salynǵan aıyppul mólsheri 21 mlrd. 672 mln. teńgeni qurady.
