Byltyr Keden odaǵy elderiniń Qazaqstanǵa ımporty 4 paıyzǵa ósti

ASTANA. QazAqparat - 2013 jylǵy qańtar-jeltoqsanda Qazaqstan Respýblıkasynyń Keden odaǵy elderimen ózara saýdasy 24 mlrd. 230,9 mln. AQSh dollaryn qurady. Bul 2012 jylǵy kezeńmen 1,4 paıyzǵa artyq. Sonyń ishinde eksport 5 mlrd. 863,6 mln. dollar (5,9 paıyzǵa az), ımport 18 mlrd. 367,3 mln. dollaryn (ósim 4 paıyz) qurap otyr.

Statıstıka agenttiginiń habarlaýynsha, Qazaqstannyń eksport qurylymynyń basym bóligin mıneraldy ónimder (40,9 paıyz Keden odaǵy elderiniń barlyq eksporttynyń kólemine), metaldar jáne olardan jasalǵan buıymdar (24,2 paıyz), hımııalyq ónerkásip ónimderi (13,7 paıyz) qurady.

Al Reseı men Belarýs elinen úlken dárejede mıneraldy ónimderi (Keden odaǵy elderiniń ımporttyń jalpy kólemine 28,2 paıyz), mashınalar jáne jabdyqtar (24 paıyz), metaldar jáne olardan jasalǵan buıymdar (15,1 paıyz), hımııalyq ónerkásip ónimderi (11,5 paıyz), mal jáne ósimdik ónimderi, daıyn azyq-túlik taýarlary (10,6 paıyz) ákelinedi.