Byltyr Qazaqstanǵa 430 myńnan astam eńbek mıgranty kelgen
NUR-SULTAN. QazAqparat - Elordada kóshi-qon qyzmetin kórsetý ortalyqtarynyń jumysyn jetildirý máselesi talqylandy, dep habarlaıdy QazAqparat tilshisi.
Kóshi-qon qyzmeti komıteti tóraǵasynyń orynbasary Arman Sadanovtyń aıtýynsha, jyl ótken saıyn kóshi-qon qyzmetine degen suranys artyp keledi.
«Іshki ister mınıstriligi kórsetetin 40 negizgi memlekettik qyzmettiń 18-i kóshi-qonmen baılanysty. Bıyl 5 aı ishinde 4,8 mln qyzmet kórsetilgen. Negizinen mekenjaı anyqtamasy, azamattar men kólikterdi tirkeý, tirkeý týraly anyqtama berý qyzmetterine suranys kóp», - deıdi ol.
Komıtet ókili elimizde eńbek mıgranty retinde tirkeletin azamattardyń qaı elderden keletinin de aıtty.
«Kóshi-qon qyzmeti komıteti 2018 jyly 16,5 mln memlekettik qyzmet kórsetti. Byltyrdan beri 16 óńirde «Azamattarǵa arnalǵan úkimet» janynan kóshi-qon qyzmetiniń ortalyqtary ashylǵan bolatyn. Osynyń arqasynda sheteldikterge qyzmet kórsetý deńgeıi boıynsha 129-orynnan 77-orynǵa shyqtyq. Qazaqstanǵa keletin eńbek mıgranttarynyń basym bóligi Taıaý Shyǵys pen TMD elderinen keledi. 2018 jyly 430,4 myń sheteldik azamat eńbek mıgranty retinde tirkeldi. Olardyń kóshin Ázerbaıjan, Grýzııa, Reseı, Moldova, Qyrǵyzstan, Ózbekstan, Túrkııa sııaqty elder bastap tur», - deıdi Arman Sadanov.
Komıtet ókiliniń aıtýynsha, bul baǵyttaǵy jumystardy jetildirý maqsatynda sheteldik azamattarmen jumys isteıtin memlekettik organdardyń qyzmetin úılestirý boıynsha reformalar júrgizilýi múmkin. Ásirese maýsymdyq eńbek mıgrnattaryna medıtsınalyq anyqtamalar alý joldaryn ońtaılandyrý josparlanyp otyr.
