Byltyr qazaqstandyqtar shetelde qandaı qaýipti ınfektsııalar juqtyrdy

ASTANA. QazAqparat - Qoǵamdyq densaýlyqty saqtaý komıteti 2017 jyly qazaqstandyqtar shetelden qandaı qaýipti juqpaly aýrýlardy ákelgenin málimdedi, dep habarlaıdy «QazAqparat» HAA tilshisi.

«2017 jyly Qazaqstana 14 juqpaly aýrý ákelingen, sonyń altaýy Denge bezgegi, beseýi tyrysqaq, qalǵan úsheýi bezgek», - dep jaýap berdi komıtettegiler QazAqparat tilshisiniń saýalyna.

Vedomstvodaǵylardyń aıtýynsha, Qazaqstannyń halyqaralyq qatynastarynyń damýy jáne mıgratsııa máselesiniń kúrdelenýine baılanysty elde kez kelgen qaýipti aýrýlar paıda bolýy múmkin.

Qaýipti aýrýlardyń ishinde karantındik jáne erekshe qaýipti aýrýlar (oba, tyrysqaq, brýtsellez, Sibir jarasy, t.b.), aýa arqyly jappaı taraıtyn aýrýlar (tumaý), qaıtalanatyn aýrýlar (qyzylsha, qyzamyq, t.b.), sondaı-aq Ebola, Denge bezgekteri sııaqty halyqaralyq deńgeıde tótenshe jaǵdaılarǵa sebep bolatyn aýrýlar erekshe qaýip tóndiredi.