Byltyr qazaqstandyq IT frılanserler 10 mln dollar tabys tapqan
«IT salasynda frılanserlerge suranys joǵary. ıAǵnı tapsyrys kóp. 2020 jyly Upwork platformasynda 760 qazaqstandyq frılanser tirkelgen. Olar 7,5 mln AQSh dollary kóleminde tabys tapqan. Bul kórsetkish jyl sanap ósip keledi. Ótken jylǵy qorytyndy boıynsha 1350 qazaqstandyq frılanser 10 mln AQSh dollar tabys tapqan. Bul trend jáne ol jalǵasyn tabady» , - dedi Astana Hub bilim baǵdarlamalary keńsesiniń dırektory Dáýlet Beımýrzınov ortalyq kommýnıkatsııalar qyzmet alańynda ótken brıfıngide.
Óz kezeginde Astana Hub basqarýshy dırektory Alına Ábdirahmanova elimizde áıel frılanserlerdi kóbeıtý baǵytyndaǵy josparyn bólisti.
«Otandyq frılans qaýymdastyǵyn qoldaý, tsıfrlyq alańdarda frılanser áıelderdiń úlesin arttyrý mindeti tur. Qazaqstandyq frılanserlerdiń halyqaralyq naryqqa shyǵýyna járdemdesý úshin «Freelance School» kýrsy engizildi. Osylaısha, frılanserlik oqytý áıelderge qashyqtan jumys isteý jáne jalaqy men jumysqa ornalasýdaǵy genderlik alshaqtyqty azaıtý arqyly jergilikti jáne shetel valıýtasynda tabys tabýǵa múmkindik beredi», - deıdi ol.
