Byltyr Qazaqstanda «jasyl» ınvestıtsııalar kólemi 9,9 mlrd.teńgeni qurady
ASTANA. QazAqparat - Byltyr Qazaqstanda negizgi kapıtalǵa salynǵan ınvestıtsııalardyń kólemi 6 trln. 072,7 mlrd. teńgeni qurady.
Bul týraly QR Statıstıka agenttiginen habarlandy.
Agenttik málimetine qaraǵanda, byltyrǵy jyly elimizde negizgi kapıtalǵa salynǵan ınvestıtsııalar kólemi 2012 jylǵy deńgeıden 6,9 paıyzǵa joǵarylaǵan. Munyń ózinde, ınvestıtsııalaý úshin basym salalar ken óndirý ónerkásibi jáne karerlerdi qazý (29,1 paıyz), kólik jáne qoımalaý (23,9 paıyz), óńdeý ónerkásibi (11,4 paıyz) bolyp tabylady.
«2013 jyly «jasyl» ekonomıkaǵy salynǵan ınvestıtsııalar kólemi 9,9 mlrd. teńgeni qurady. Munyń ózinde olardyń ishindegi mańyzdy úlesi energııanyń jańartylatyn kózderine salynǵan ınvestıtsııalarǵa tıesili, jáne bul 90,9 paıyzdy quraıdy», - delingen baspasóz baıanynda.
