Byltyr Qazaqstanda «Qyzyl kitapqa» engen janýarlardy atqan 21 adam ustaldy

ASTANA. QazAqparat - 2014 jyly Qazaqstanda «Qyzyl kitapqa» engen janýarlardy atqan 21 adam ustaldy. Bul týraly QazAqparat tilshisine QR Aýyl sharýashylyǵy mınıstrliginen habarlady.

Belgili bolǵandaı, 2014 jyly QR AShM Orman sharýashylyǵy jáne janýarlar dúnıesi komıtetiniń organdary «Qyzyl kitapqa» engen janýarlarǵa qaskóılik jasaýdyń 10 faktisin anyqtady. Osy faktiler boıynsha Qazaqstannyń tabıǵat qorǵaý zańnamasyn buzǵan 21 adam quryqtaldy. Zańsyz ańshylyq baǵytynda brakonerler negizinen qaraquıryqtar men arqarlardy aýlaǵan. Atalǵan faktiler boıynsha quqyq qorǵaý organdary tarapynan qylmystq ister qozǵalyp, sot sheshimimen úsh adam eki jylǵa bas bostandyǵynan aıyryldy, ekeýi shartty túrde sottaldy. Qalǵandaryna janýarlar álemine keltirgen shyǵynnyń ornyn toltyrý talap-aryzdary berildi.