Byltyr Qazaqstanda qansha traktor, kombaın shyǵaryldy
«Mashına jasaý - otandyq ónerkásiptiń serpindi damyp kele jatqan salalarynyń biri. Elimizde ótken jyly mashına jasaý óndirisiniń kólemi 1 370 mlrd teńgeni qurap, 2018 jylmen salystyrǵanda 20,9% artty.
2019 jyldyń qorytyndysy boıynsha aýyl sharýashylyǵy mashınalaryn jasaý óndirisiniń kólemi 41,2 mlrd teńgeni qurap, 381 kombaın jáne 895 traktor shyǵaryldy», delingen habarlamada.
Mınıstrlik málimetinshe, 2010 jyldan osy baǵyttaǵy ónim jelisin keńeıtý bastaldy. Aýyl sharýashylyǵynyń qajettilikterine arnalǵan aspaly jabdyqtar men tehnıkanyń túrlerin óndirý iske qosyldy. Traktorlar men kombaındar óndirisi artty.
«Aýyl sharýashylyǵy mashınalaryn jasaý baǵytyndaǵy negizgi kásiporyn - «SemAZ« JShS. Zaýyt mamandary Qazaqstanda alǵashqylardyń biri bolyp dánekerleý men boıaýdy qamtıtyn tolyq tsıkldi avtojınaýdy engizdi. Onda jumys Koreıanyń Daewoo Bus Global Corporation kompanııasy avtobýsyn shyǵarýdan bastaldy. 2006 jyly Semeıde burynnan turyp qalǵan armatýra zaýyty ornyna avtoqurastyrý óndirisi quryldy. Jobaǵa bastapqy kezeńde quıylǵan ınvestıtsııalar kólemi 9 mln AQSh dollaryna jetip, onyń ishinde 7 mln óndiristik alańdy kúrdeli jóndeýge baǵyttaldy», delingen habarlamada.
Eske sala ketsek, bıyldan bastap otandyq traktor men kombaındardy bastapqy jarna tólemeı-aq lızıngige alýǵa bolady.
