Byltyr Qazaqstanda aǵymdaǵy baǵada 15 trln. 887,8 mlrd. teńgeniń ónimderi óndirildi
ASTANA. Naýryzdyń 11-i. QazAqparat /Ernur Aqanbaı/ - Byltyr Qazaqstanda aǵymdaǵy baǵada 15 trln. 887,8 mlrd. teńgeni quraıtyn ónimder óndirildi,
dep habarlaıdy QazAqparat.
«2009 jylǵy qańtar-jeltoqsandaǵy jedel derekter boıynsha jalpy Іshki ónim kólemi aǵymdaǵy baǵalarda 15 trln. 887,8 mlrd. teńgeni qurady. 2008 jylǵy sáıkes kezeńmen salystyrǵanda ІJÓ-niń naqty ósýi 1,2 paıyz boldy. ІJÓ-niń qurylymynda taýarlar óndirisiniń úlesi 43,8 paıyzdy, al qyzmet kórsetýler - 54,8 paıyzdy qurady», dedi búgin Astanada baspasóz máslıhatynda QR Statıstıka agenttiginiń tóraǵasy Álıhan Smaıylov. Onyń aıtýynsha, aldyn-ala málimetter boıynsha, 2010 jyldyń qańtar-aqpan aılarynda ótken jyldyń tıisti kezeńimen salystyrǵanda ІJÓ-niń ósimi 6,4 paıyzdy qurady. «2010 jylǵy qańtar-aqpanda negizgi kapıtalǵa salynǵan ınvestıtsııalar kólemi 353,7 mlrd. teńgeni qurdy, bul ótken jylǵy sáıkes kezeńge qaraǵanda 9,5 paıyzǵa kem», dedi ol.
