Byltyr Qazaqstanda 68 eldi mekenniń ataýy ózgergen

ASTANA. QazAqparat - Ótken jyly 68 eldi meken men 572 kóshe, nysan ataýy ózgertildi. Máselen, Aqmola oblysy boıynsha ıÝjnaıa kóshesi Sábıt Muqanov, Býdennyı kóshesi Baýyrjan Momyshuly, Lenın kóshesi Abylaı han esimderimen qaıta ataldy, dep habarlaıdy QazAqparat.

Mádenıet jáne sport mınıstrligi mádenıet komıtetiniń aqparaty boıynsha ótken jyly respýblıkalyq onomastıka komıssııasy 606 usynysty qaraǵan.

«Budan bólek, byltyr Memleket basshysynyń Joldaýynda kóterilgen elimizdiń ákimshilik-aýmaqtyq qurylymyn jetildirý boıynsha berilgen tapsyrmasyn oryndaý maqsatynda jańadan qurylǵan 3 oblysqa Abaı, Jetisý, Ulytaý ataýlary berildi. Al Qapshaǵaı qalasy – Qonaev qalasy bolyp ózgerdi. Aıta ketý kerek, oblys ataýlary tek memlekettik tilde bekitildi. Mysaly, Abaı oblysy - oblast Abaı, Ulytaý oblysy - oblast Ulytaý, Jetisý oblysy - oblast Jetisý. Sondaı-aq Ahmet Baıtursynulynyń 150 jyldyq mereıtoıyna oraı Qostanaı halyqaralyq áýejaıyna ult ustazynyń esimi berildi»,-deıdi Mádenıet jáne sport mınıstrligi onomastıka basqarmasynyń basshysy Elerke Tórehan.