Byltyr Qazaqstanda 167 myń gektar orman otqa oranǵan
«Tabıǵı órtterdiń aldyn tıimdi jolmen alý jáne olardy joıý azamattyq qorǵaýdyń memlekettik júıesiniń nazaryn aýdarǵan negizgi baǵyttardyń biri bolyp tabylady.
Jyl saıyn elimizde 800-ge jýyq orman jáne dala órtteri men basqa da órtter bolady.
Byltyr elimizdiń orman qorynda 751 órt tirkeldi. Otqa oranǵan orman alqaby 167 myń gektardy qurady. Ekologııaǵa keltirilgen zııandy esepke almaǵanda, tek tikeleı materıaldyq zalal 6 mlrd teńgeden asty», - dedi vedomstvo basshysy.
Aıtýynsha, ásirese Shyǵys Qazaqstanda orman órti jıi tirkelýde. Bul óńirde bir jylda osyndaı 194 jaǵdaı bolǵan. Sondaı-aq, Aqtóbe - 123 (16,4%), Pavlodar – 114 (15,2%), Qostanaı– 100 (13,4%) oblystarynda orman órti kób i rek oryn alǵan.
«Órt qaýpiniń joǵary yqtımaldyǵy bıyl da saqtalýda. Jyl basynan beri bizde 42 kóktemgi orman órti tirkeldi. Órttiń jalpy aýmaǵy 668 gektardy qurady.
«Qazgıdromettiń» boljamdy derekteri boıynsha aldaǵy órt qaýipti kezeńde ortasha temperatýra +30ºS quraıdy. Al respýblıkanyń ońtústik, shyǵys jáne batys bóliginde qurǵaqshylyq pen temperatýranyń +40ºS deıin joǵarylaýymen jaýyn-shashyn tapshylyǵy boljanady. Munyń bári orman qoryndaǵy órt qaýpin edáýir arttyrady», - dedi Tótenshe jaǵdaılar mınıstri.
Sondaı-aq, búgingi Úkimet otyrysynda QR Indýstrııa jáne ınfraqurylymdyq damý mınıstri Qaıyrbek Óskenbaev ornyn otandyq ónimmen aýystyrýdy qajet etetin ımporttyq taý a rlardyń 3 sanatyn atady.