Byltyr Qazaqstan EAEO elderine 9,7 mlrd dollardyń taýaryn eksporttaǵan
ASTANA. QazAqparat – Byltyr Qazaqstan Eýrazııalyq ekonomıkalyq odaq elderine 9 mlrd 709,8 mln dollardyń taýaryn eksporttaǵan. Bul týraly QazAqparat tilshisi Ulttyq statıstıka bıýrosyna silteme jasap habarlaıdy.
USB usynǵan aldyn ala derketer boıynsha byltyr Qazaqstannyń EAEO elderimen aradaǵy saýda-sattyq kólemi 28 311,2 mln dollar bolǵan. ıAǵnı, bul 2021 jylmen salystyrǵanda 6,5%-ǵa kóp.
Ótken jyldyń qańtar-jeltoqsan aralyǵynda Qazaqstan 9 mlrd 709,8 mln dollardyń taýaryn eksportap, tıisinshe 18 mlrd 601,4 mln dollardyń taýaryn ımporttaǵan.
Qazaqstan ótken jyly EAEO elderiniń ishinde Reseımen (syrtqy saýdanyń úlesi - 92,3%) kóp saýda-sattyq jasasqan. Al keıingi oryndarda Qyrǵyzstan (4%) men Belarýs (3,6%) tur.
Buǵan deıin habarlaǵanymyzdaı, elimizdegi bólshek saýda kólemi 20,8% ósti.
