Byltyr Qazaqstan 1,5 mlrd. teńgeden astam somaǵa 8 elge gýmanıtarlyq kómek kórsetti - TJM
ASTANA. 21 mamyr. QazAqparat - 2011 jyly Qazaqstan 1,5 mlrd. teńgeniń gýmanıtarlyq kómegin júzege asyrdy.
Búgin Parlament Májilisinde ótken Úkimet saǵatynda Tótenshe jaǵdaılar mınıstri Vladımır Bojko osylaı málim etti.
«Biz Memleket basshysynyń nusqaýly tapsyrmalaryna sáıkes, gýmanıtarlyq kómektiń de aýqymdy mólsherin júzege asyryp kele jatyrmyz. Máselen, 2011 jyly Tájikstanǵa, Aýǵanstanǵa, Pákistanǵa, Qyrǵyzstanǵa, Samolıge, Ýkraınaǵa, Japonııaǵa, Túrkııaǵa gýmanıtarlyq kómekter júzege asty. Bulardyń jalpy mólsheri 1,5 mlrd. teńgeden asty», - deıdi V. Bojko.
